Uhlangothi lukahulumende weZimbabwe olubona ngezomkhathi olweMeteorological Services Department luthi kuzakuna izulu elikhulu eMatabeleland, eNkabazwe lezinye izabelo elilakho ukudala umonakalo omangalisayo.
Luthi izulu leli lizabe lilomoya omkhulu. Ababona ngokuhlenga uzulu abeCivil Protection Unit bathi kumele uzulu alalele imbiko eyethulwa kumaphephandaba lemisakazweni.
Lokhu kwenzakala ngesikhathi abalimi abanengi eMatabeleland South bekhala ngokutsha kwezinye izilimo ngenxa yezulu elinengi.
Sixoxe ngodaba lolu loMnu. Khumbulani Magwaza Moyo ohlala eMatabeleland South.
UMoyo uthi, “Sokutshe okumangalisayo emasimini ikakhulu lapho okutota khona okulezilomo esezitshile. Asibona sivuna okukhanyayo kulezondawo.”
Abanye abalimi eGwanda North, eLupane lezinye izigaba labo bathi kulezilimo ezinengi esezisitsha ngenxa yokuna kakhulu kwezulu.
Kodwa kulezinye njalo ezatsha emavikini akuqala kuyonale inyanga ngenxa yokuswelakala kwezulu.
Forum