អាហារ Soul Food កាន់តែមានប្រជាប្រិយភាពនៅរដ្ឋធានីវ៉ាស៊ីនតោន
អាហារ Soul Food មានកំណើតចេញពីវប្បធម៌ពលរដ្ឋអាមេរិកស្បែកខ្មៅដែលរស់នៅភាគខាងត្បូងសហរដ្ឋអាមេរិក។ Soul Food ជាអាហារដែលសម្បូរជីវជាតិ មានរសជាតិហីរ និងសម្បូរកាឡូរីនិងប្រូតេអ៊ីន ដែលពលរដ្ឋអាមេរិកដើមកំណើតអាហ្វ្រិកនៅសម័យមុនត្រូវការ ដើម្បីមានកម្លាំងធ្វើការងារពលកម្មលំបាកៗ ដូចជាធ្វើការជាទាសករក្នុងកសិដ្ឋាននៅភាគខាងត្បូងសហរដ្ឋអាមេរិកជាដើម។ ប៉ុន្តែជាច្រើនសម័យកាលក្រោយមក អាហារ Soul Food ក៏វិវត្តទៅជាអាហារប្រណិត ហើយភោជនីយដ្ឋានលក់ soul food មួយកន្លែងនៅរដ្ឋធានីវ៉ាស៊ីនតោនមានប្រជាប្រិយភាពខ្លាំង។ អ្នកស្រី Unshin Lee នៃវីអូអេជូនសេចក្តីរាយការណ៍។ លោក សឹង សុផាត ជូនសេចក្តីប្រែសម្រួល។
