សេដ្ឋកិច្ចរបស់សហរដ្ឋអាមេរិកបានបង្កើនល្បឿនកាលពីត្រីមាសទី២ក្នុងល្បឿនប្រចាំឆ្នាំដ៏រឹងមាំចំនួន២,៨% ដោយអ្នកប្រើប្រាស់ និងអាជីវកម្មបានជួយជំរុញកំណើន បើទោះបីជាមានសម្ពាធនៃអត្រាការប្រាក់ខ្ពស់ជាបន្តបន្ទាប់ក៏ដោយ។
ផលិតផលក្នុងស្រុកសរុបបានកើនឡើងនៅក្នុងត្រីមាសនៃខែមេសាដល់ខែមិថុនាបន្ទាប់ពីកើនឡើងក្នុងល្បឿន១,៤% ក្នុងត្រីមាសទី១។
របាយការណ៍ស្តីពីផលិតផលសរុបក្នុងស្រុក GDP ក៏បានបង្ហាញផងដែរថាអតិផរណានៅតែបន្តធូរស្រាល ទោះបីជានៅតែស្ថិតនៅលើគោលដៅ ២% របស់ធនាគារជាតិក៏ដោយ។
តួលេខចុងក្រោយបំផុតគួរតែពង្រឹងទំនុកចិត្តថាសេដ្ឋកិច្ចអាមេរិកជិតឈានដល់សម្រេចបាននូវ «ការថយចុះដ៏ស្រទន់» ដ៏កម្រមួយ ដែលអត្រាការប្រាក់ខ្ពស់ដែលត្រូវបានបង្កើតឡើងដោយធនាគារជាតិដើម្បីទប់ទល់អតិផរណា មិនធ្វើឱ្យសេដ្ឋកិច្ចធ្លាក់ចូលទៅក្នុងវិបត្តិសេដ្ឋកិច្ចទេ៕
