អ៊ុយក្រែនថា ការជាប់ឆ្នោតជាថ្មីរបស់លោក Putin ជាសញ្ញាដែលថាសង្គ្រាមនឹងមិនបញ្ចប់ឆាប់ៗទេ
ដូចមនុស្សជាច្រើននៅទូទាំងពិភពលោកដែរ ពលរដ្ឋអ៊ុយក្រែនមិនមានការភ្ញាក់ផ្អើលចំពោះសេចក្ដីរាយការណ៍ដែលថាប្រធានាធិបតីរុស្ស៊ីលោក Vladimir Putin ទទួលបានជ័យជម្នះភ្លូកទឹកភ្លូកដីនៅក្នុងការបោះឆ្នោតប្រធានាធិបតីរុស្ស៊ីកាលពីពេលថ្មីៗនេះទេ។ មនុស្សជាច្រើនមើលឃើញលទ្ធផលនេះថាជាសញ្ញាមួយទៀតដែលថា សង្គ្រាមនៅអ៊ុយក្រែននឹងមិនបញ្ចប់ក្នុងពេលឆាប់ៗខាងមុខនេះទេ។ អ្នកស្រី Anna Chernikova រាយការណ៍អំពីរឿងនេះពីរដ្ឋធានីកៀវ ប្រទេសអ៊ុយក្រែន។ អ្នកនាង ស្រេង លក្ខិណា ជូនសេចក្ដីប្រែសម្រួល៕
