ភាពឯកោរបស់រុស្ស៊ីរីកកាន់តែធំនៅពេលដែលការប្រយុទ្ធរបស់អ៊ុយក្រែនកាន់តែខ្លាំងឡើង
រុស្ស៊ីនៅថ្ងៃអង្គារនេះ បានរងភាពឯកោកាន់តែខ្លាំងឡើងចំពោះការឈ្លានពានរបស់ខ្លួនលើប្រទេសអ៊ុយក្រែន ស្របពេលដែលការវាយប្រហាររបស់ខ្លួននៅក្នុងប្រទេសអ៊ុយក្រែនទទួលរងការតស៊ូយ៉ាងស្វិតស្វាញពីសំណាក់កងទ័ពអ៊ុយក្រែនដែលបានរារាំងការសម្រេចចិត្តរុលទៅមុខរបស់ប្រធានាធិបតីរុស្ស៊ីលោកVladimir Putin បើទោះបីជាមានការបាញ់ផ្លោងយ៉ាងខ្លាំងនិងមានក្បួនរថយន្តយោធារុស្ស៊ីយ៉ាងច្រើននៅខាងក្រៅរដ្ឋធានីកៀវក្តី។ នេះបើតាមសេចក្តីរាយការណ៍របស់ទីភ្នាក់ងារព័ត៌មាន Reuters។
មន្ត្រីអ៊ុយក្រែនបានរាយកាណ៍ថា ការបាញ់គ្រាប់ផ្លោងដាក់ទីក្រុងKharkiv ដែលជាទីក្រុងធំទី ២របស់អ៊ុយក្រែន បានសម្លាប់ពលរដ្ឋស៊ីវិលអស់រាប់សិបនាក់។ គេនៅមិនទាន់អាចធ្វើការផ្ទៀងផ្ទាត់អំពីតួលេខនៃជនរងគ្រោះនិងការស្លាប់នៅក្នុងការវាយប្រហារនោះ បាននៅឡើយទេរហូតមកដល់ពេលនេះ។
អានព័ត៌មានលម្អិតតាមរយៈតំណភ្ជាប់ខាងក្រោមនេះ៖
បាតុកម្មប្រឆាំងនឹងការឈ្លានពានលើប្រទេសអ៊ុយក្រែន បន្តធ្វើឡើងនៅទីក្រុងបាងកក
បាតុកម្មឆាំងនឹងការឈ្លានពានរបស់រុស្ស៊ី ត្រូវបានធ្វើឡើងនៅក្នុងរាជធានីបាងកកនៃប្រទេសថៃ កាលពីថ្ងៃអាទិត្យពីរថ្ងៃជាប់ៗគ្នា ដោយក្រុមបាតុកររាប់រយនាក់ បានដង្ហែក្បួនពីឧទ្យាន Lumpini នៃទីក្រុងបាងកក ឆ្ពោះទៅកាន់ឧទ្យាន Benchakitti។
លោក Oleklsandr Polieno ជាវិស្វករកម្មវិធី Software កុំព្យូទ័រជនជនជាតិអ៊ុយក្រែន ដែលបានរស់នៅក្នុងប្រទេសថៃអស់រយៈពេល ៦ ឆ្នាំមកហើយ។ លោក បានជិះយន្តហោះចេញពីកោះ Phuket ដើម្បីមកចូលរួមបាតុកម្មនេះ។
លោកថ្លែងប្រាប់វីអូអេថា៖ «នេះ ជារឿងមួយដែលយើងអាចធ្វើបានពីក្រៅប្រទេសដើម្បីជួយគាំទ្រអ៊ុយក្រែន។ វាបង្ហាញថា មនុស្សគ្រប់រូបយល់អំពីអ្វីដែលកំពុងកើតឡើងនៅប្រទេសអ៊ុយក្រែន ហើយពលរដ្ឋអ៊ុយក្រែននៅទីនោះ ទទួលបានការគាំទ្រពីពួកយើង»។
អ្នកស្រី Sophie ជាគ្រូបង្រៀនជនជាតិអ៊ុយក្រែនផ្នែកសិល្បៈដែលស្នើសុំមិនប្រាប់នាមត្រកូល។ អ្នកស្រីថ្លែងថា ក្រុមគ្រួសាររបស់អ្នកស្រីនៅអ៊ុយក្រែន កំពុងទទួលរងការឈឺចាប់។
អានព័ត៌មានលម្អិតតាមរយៈតំណភ្ជាប់ខាងក្រោមនេះ៖
- ដោយ ហ៊ុល រស្មី
អ្នកវិភាគនៅកម្ពុជាថាការចរចាឲ្យមានបទឈប់បាញ់នៅអ៊ុយក្រែនស្ថិតក្នុងស្ថានភាពមិនច្បាស់លាស់ ខណៈរុស្ស៊ីបង្កើនការវាយប្រហារ
អ្នកវិភាគនយោបាយមួយចំនួននៅប្រទេសកម្ពុជា មិនមានសុទិដ្ឋិនិយមថា ការចរចាដែលអាចឈានទៅបន្ថយភាពតានតឹងនៅអ៊ុយក្រែន អាចធ្វើទៅរួចនោះទេ នៅពេលមេដឹកនាំរុស្ស៊ីគ្មានចេតនាបន្ធូរដៃក្នុងការវាយប្រហារទៅលើប្រទេសនៅក្នុងតំបន់អឺរ៉ុបខាងកើតមួយនេះ។
អ្នកវិភាគនយោបាយលោក សេង សារី យល់ថា សង្គ្រាមនៅអ៊ុយក្រែនអាចរីកធំ ប្រសិនបើមានការលូកដៃពីភាគីផ្សេងទៀត និងថាការចរចាដើម្បីបន្ថយការតបតគ្នាដោយអាវុធនៅអ៊ុយក្រែននឹងមិនអាចទៅរួច ទេខណៈរុស្ស៊ីមិនព្រមបញ្ឈប់ការវាយប្រហារលើអ៊ុយក្រែន។
លោកប្រាប់វីអូអេនៅថ្ងៃអង្គារថា៖ «បើសិនជាក្នុងណាតូ កាន់តែលូកជ្រៅទៅក្នុងសង្គ្រាមអ៊ុយក្រែនខ្ញុំមើលមកឃើញថា បើយើងផ្អែកលើការតាំងចិត្តរបស់ពូទីន យើងឃើញថាសង្គ្រាមអាចមានការរីកធំណាស់។ ក៏ប៉ុន្តែយើងមើលឃើញសញ្ញានៅក្នុងការចរចាដែរ ថាតើការចរចាហ្នុងមានផលយ៉ាងម៉េចនោះគឺហាក់ដូចជានៅមានភាពស្រពេចស្រពិល។ ហើយថ្មីៗនេះ ក៏ឃើញមានលោកនាយករដ្ឋមន្ត្រីរបស់អ៊ុយក្រែនហ្នឹងចុះហត្ថលេខា ដើម្បីស្នើសុំចូលជាសមាជិករបស់ណាតូអីទៅទៀត»។
អានព័ត៌មានលម្អិតតាមរយៈតំណភ្ជាប់ខាងក្រោមនេះ៖
