កាលពីល្ងាចថ្ងៃចន្ទ មានឧប្បត្តិហេតុរថភ្លើង Amtrak មួយធ្លាក់ពីផ្លូវនៅក្នុងរដ្ឋវ៉ាស៊ីនតោន ស្ថិតនៅភាគពាយ័ព្យសហរដ្ឋអាមេរិក ដែលធ្វើទូររថភ្លើងជាច្រើនបានធ្លាក់នៅលើផ្លូវដែលមានចរាចរណ៍មមាញឹក។ អាជ្ញាធរក្នុងស្រុករាយការណ៍ថា មានមនុស្សជាច្រើនបានរងរបួស។ បុគ្គលិករបស់រថភ្លើង Amtrak និយាយថាទីស្នាក់របស់ក្រុមហ៊ុនរថភ្លើងនេះបានដឹងពីឧប្បត្តិហេតុរបស់រថភ្លើងលេខ ៥០១ ដែលដឹកអ្នកដំណើរពីទៅក្រុង Seattle រដ្ឋវ៉ាស៊ីនតោន ឆ្ពោះទៅកាន់ទីក្រុង Portland រដ្ឋ Oregon។ យោងតាមសេចក្តីថ្លែងការណ៍របស់ក្រុមហ៊ុនរថភ្លើង Amtrak បានឲ្យដឹងថា «ក្រុមសង្គ្រោះបន្ទាន់កំពុងស្ថិតនៅកន្លែងកើតហេតុ ហើយក្រុមអ្នកគ្រប់គ្រងរបស់ក្រុមហ៊ុនរថភ្លើង Amtrak កំពុងតែធ្វើការទៅលើរឿងនេះ។ សេក្តីរាយការណ៍ថាមានមនុស្សរងរបួសពីការធ្លាក់រថភ្លើងនេះ»។ ក្រុមហ៊ុននេះក៏បានប្រកាសពីការផ្អាកសេវកម្មរថភ្លើងនៅភាគខាងត្បូងទីក្រុង Seattle ផងដែរ៕
