ការលេងកីឡាដើម្បីបំបាត់ភាពតានតឹងនៅក្នុងការសិក្សាបានធ្វើឲ្យកញ្ញា អេង មុយងីម ក្លាយជាកីឡាការិនីមួយរូប ដែលត្រូវបានទទួលស្គាល់នៅលើឆាកអន្តរជាតិ។ ដោយយល់ដឹងពីសារសំខាន់នៃកីឡា កញ្ញាបានបង្កើតកម្មវិធី SheRuns ដើម្បីលើកទឹកចិត្តស្រ្តីនិងកុមារីឲ្យចូលរួមលេងកីឡាកាន់តែច្រើន ដើម្បីសុខភាពទាំងផ្លូវកាយនិងផ្លូវចិត្ត។ កញ្ញា អេង មុយងីម បានថ្លែងនៅក្នុងបទសម្ភាសន៍ជាមួយអ្នកស្រី ធីតា វីន អ្នកយកព័ត៌មានឲ្យវីអូអេថា ស្រ្តីនិងកុមារីគួរតែបោះបង់ការចំណាយពេលឥតប្រយោជន៍ ហើយចូលរួមលេងកីឡាឲ្យបានច្រើនដើម្បីអត្ថប្រយោជន៍សុខភាព និងដើម្បីផ្សារភ្ជាប់កីឡានិងការរស់នៅប្រចាំថ្ងៃឲ្យកាន់តែប្រសើរ៕