មន្ត្រីនៅក្នុងតំបន់ Kursk របស់រុស្ស៊ីបាននិយាយកាលពីថ្ងៃអង្គារថា ក្រុមអគ្គិភ័យបានពន្លត់ភ្លើងឆេះនៅឃ្លាំងប្រេងដែលត្រូវបានវាយប្រហារដោយយន្តហោះគ្មានមនុស្សបើករបស់អ៊ុយក្រែនកាលពីពីរថ្ងៃមុន។
អភិបាលតំបន់ Kursk លោក Alexei Smirnov បាននិយាយនៅលើ Telegram ថា ការវាយប្រហារបានឆេះឃ្លាំងសាំងជាច្រើន ហើយគ្មាននរណាម្នាក់រងរបួសនោះទេ។
នៅក្នុងការវាយប្រហារកាលពីថ្ងៃអង្គារ យន្តហោះគ្មានមនុស្សបើករបស់អ៊ុយក្រែនបានវាយចំគោលដៅជាច្រើននៅក្នុងតំបន់ Belgorod នៃប្រទេសរុស្ស៊ី ដែលមានទីតាំងនៅតាមបណ្តោយព្រំដែនជាមួយអ៊ុយក្រែន។
យោងតាមការបង្ហោះនៅលើ Telegram ពីអភិបាលតំបន់ Belgorod លោក Vyacheslav Gladkov បានឱ្យដឹងថា យន្តហោះគ្មានមនុស្សបើកបានវាយប្រហារភូមិចំនួនពីរ ធ្វើឱ្យខូចខាតផ្ទះជាច្រើនខ្នង និងអាជីវកម្មកសិកម្ម។
យោធាអ៊ុយក្រែនបាននិយាយកាលពីថ្ងៃអង្គារថា កងការពារដែនអាកាសរបស់ខ្លួនបានបាញ់ទម្លាក់យន្តហោះគ្មានមនុស្សបើកឈ្លបយកការណ៍រុស្ស៊ីចំនួនប្រាំពីរក្នុងអំឡុងពេលថ្ងៃកន្លងមក។
មន្ត្រីក្នុងតំបន់បាននិយាយថា នៅតំបន់ Kharkov ភាគឦសាននៃប្រទេសអ៊ុយក្រែន ការបាញ់ផ្លោងរបស់រុស្ស៊ីបានធ្វើឱ្យមនុស្សម្នាក់រងរបួសកាលពីព្រឹកថ្ងៃអង្គារ។
យោងតាមអភិបាលតំបន់បានឱ្យដឹងថា ការបាញ់ផ្លោងរបស់រុស្ស៊ីក៏បានធ្វើឱ្យមនុស្សម្នាក់រងរបួស និងបំផ្លាញផ្ទះជាច្រើនខ្នងនៅក្នុងតំបន់Kherson ភាគខាងត្បូងអ៊ុយក្រែន៕
(ព័ត៌មានមួយចំនួនសម្រាប់រឿងនេះត្រូវបានផ្តល់ដោយទីភ្នាក់ងារសារព័ត៌មានAFP និង Reuters)
