នៅពេលដែលនាយករដ្ឋមន្ត្រីឥណ្ឌាលោក Narendra Modi ធ្វើដំណើរទៅកាន់សហរដ្ឋអាមេរិកដើម្បីបំពេញទស្សនកិច្ចរយៈពេល២ថ្ងៃដោយចាប់ផ្តើមនៅថ្ងៃពុធនេះទៅ ពួកមន្ត្រីនៅក្នុងរដ្ឋធានីញូដេលីបានសម្តែងនូវសុទិដ្ឋិនិយមថាដំណើរទស្សនកិច្ចនេះនឹងប្រាប់ឱ្យដឹងជាមុននូវការបន្តភាពជាដៃគូដ៏សំខាន់។ ទោះជាយ៉ាងណាក៏ដោយ ពួកអ្នកវិភាគបាននិយាយថានឹងមានបញ្ហាតានតឹងខ្លះដែលនាំឲ្យមានការបត់បែនលើផ្នែកពាណិជ្ជកម្មនិងអន្តោប្រវេសន៍ដែលស្ថិតនៅក្នុងចំណោមបញ្ហាអាទិភាពរបស់ប្រធានា ធិបតីសហរដ្ឋអាមេរិកលោក Donald Trump។
ដើម្បីបញ្ជាក់ថាលោក Modi នឹងជួបលោកប្រធានាធិបតី Trumpក្នុងប៉ុន្មានសប្តាហ៍នៃការកាន់តំណែងរបស់លោក រដ្ឋមន្ត្រីការបរទេសឥណ្ឌាលោក Vikram Misriបាននិយាយថាចំណងទាក់ទងរវាងឥណ្ឌានិងសហរដ្ឋអាមេរិកមានភាពរឹងមាំហើយថា«ការណ៍នេះបានក្លាយជាដៃគូអន្តរជាតិដ៏ខ្លាំងបំផុតមួយរបស់យើង»។
លោកនាយករដ្ឋមន្ត្រី Modi នឹងអញ្ជើញមកដល់រដ្ឋធានីវ៉ាស៊ីនតោនបន្ទាប់ពីដំណើរទស្សនកិច្ចនៅប្រទេសបារាំងជាទីកន្លែងដែលលោកចូលរួមសន្និសីទសាកលលោកស្តីពីបញ្ញាសិប្បនិមិ្មត។
ពាណិជ្ជកម្មមានសារសំខាន់សម្រាប់ប្រទេសទាំង២ហើយឥណ្ឌាបានចាត់វិធានការដ៏សំខាន់ដើម្បីបង្ហាញថាខ្លួនបានត្រៀមរៀបចំជាស្រេចដើម្បីឆ្លើយតបទៅនឹងការព្រួយកង្វល់របស់លោកប្រធានាធិបតី Trump ដែលបានចាត់ទុកឥណ្ឌាក្នុងចំណោមប្រទេសដែលបានរំលោភពន្ធគយយ៉ាងខ្លាំងបំផុត។ នៅក្នុងការសន្ទនាតាមទូរសព្ទជាមួយលោក Modi កាលពីខែមុន លោកប្រធានាធិបតី Trumpបានអំពាវនាវឱ្យមានការជឿនលឿនឆ្ពោះទៅកាន់ទំនាក់ទំនងពាណិជ្ជកម្មទ្វេភាគីត្រឹមត្រូវមួយ។
លោក Kevin Hassett ជាទីប្រឹក្សាសេដ្ឋកិច្ចកំពូលរបស់លោកបានបញ្ជាក់ឡើងវិញនូវការព្រួយបារម្ភបែបនេះកាលពីថ្ងៃចន្ទ។
រដ្ឋាភិបាលឥណ្ឌាដែលចង់បញ្ចៀសការតានតឹងពាណិជ្ជកម្មជាមួយសហរដ្ឋអាមេរិកបានប្រកាសនៅដើមខែនេះថាខ្លួននឹងបញ្ចុះពន្ធនាំទំនិញចូលលើទំនិញខ្លះដែលនឹងផ្តល់ផលប្រយោជន៍ការនាំចូលរបស់អាមេរិកដូចជាម៉ូតូនិងរថយន្តទំនើបៗ៕
លោក Modi នឹងជួបលោកប្រធានាធិបតី Trumpដោយផ្តោតលើពាណិជ្ជកម្ម អន្តោប្រវេសន៍និងចំណងទាក់ទងយុទ្ធសាស្ត្រ
វេទិកាបញ្ចេញមតិ