ខណៈដែលជំរឿនឆ្នាំ ២០២០ នៅសហរដ្ឋអាមេរិកជិតមកដល់ទីបញ្ចប់ ចៅក្រមសហព័ន្ធម្នាក់បានបញ្ជាឱ្យការិយាល័យជំរឿនសហរដ្ឋអាមេរិកបញ្ឈប់ផែនការពន្លឿនថ្ងៃផុតកំណត់ នៃការចុះស្រង់ទិន្នន័យជំរឿនដោយផ្ទាល់ខ្លួន។ ជំរឿនដែលធ្វើឡើងនៅសហរដ្ឋអាមេរិក រៀងរាល់ ១០ ឆ្នាំ ជួយកំណត់ការចាត់ចែងថវិកាសហព័ន្ធរាប់រយពាន់លានដុល្លារ និងកំណត់ចំនួនអាសនៈសភា ដែលរដ្ឋនីមួយៗទទួលបាន នៅក្នុងដំណើរការដែលគេស្គាល់ថាជា ការបែងចែកអសនៈ។ អ្នកស្រី Mariia Prus រាយការណ៍ពីរដ្ឋធានីវ៉ាស៊ីនតោន។ លោក ចាប ចិត្រា នៃ VOA ជូនសេចក្តីប្រែសម្រួល។