ប្រព័ន្ធផ្សព្វផ្សាយរដ្ឋបានរាយការណ៍ថា អតីតមហាសេដ្ឋីអចលនទ្រព្យ និងអាកាសចរណ៍វៀតណាមម្នាក់ត្រូវបានកាត់ទោសឲ្យជាប់ពន្ធនាគាររយៈពេល២១ឆ្នាំកាលពីថ្ងៃចន្ទពីបទក្លែងបន្លំ និងប្រើឧបាយកលនៅទីផ្សារភាគហ៊ុនដែលមានតម្លៃ ១៤៦លានដុល្លារ។
លោក Trinh Van Quyet ស្ថិតក្នុងចំណោមជនជាប់ចោទ៥០ នាក់ដែលត្រូវបានរកឃើញថាមានពិរុទ្ធនៅក្នុងអ្វីដែលជាករណីពុករលួយថ្មីបំផុតដែលផ្តោតលើឥស្សរជនធុរកិច្ចរបស់ប្រទេសកុម្មុយនីស្តនេះ។
តុលាការក្រុងហាណូយបាននិយាយថាលោក Quyet ដែលជាម្ចាស់អាណាចក្ររមណីយដ្ឋានប្រណិត FLC ទីលានវាយកូនហ្គោល និងក្រុមហ៊ុនអាកាសចរណ៍តម្លៃថោក Bamboo Airways ត្រូវបានដាក់ទោសឱ្យធ្ងន់បំផុត ដោយសារតែលោកជាមេដឹកនាំនៃការឆបោកនេះ៕
