កាលពីរសៀលថ្ងៃចន្ទ តុលាការបានបើកសវនាការលើសំណើសុំនៅក្រៅឃុំរបស់ក្រុមចលនាមាតាធម្មជាតិចំនួន ៥ នាក់ ដែលត្រូវបានផ្តន្ទាទោសពីបទប្រមាថព្រះមហាក្សត្រនិងរួមគំនិតក្បត់។ ក្រុមសង្គមស៊ីវិលនិងគ្រួសារបានទទូចឲ្យពួកគេបានស្ថិតនៅក្រៅឃុំជាបណ្តោះអាសន្ន ដោយលើកហេតុផលមួយចំនួន ពាក់ព័ន្ធនឹងបញ្ហាសុខភាព ការទទួលខុសត្រូវលើបន្ទុកក្នុងគ្រួសារ និងស្ថានភាពលំបាកក្នុងពន្ធនាគារ។ លោក ហាន ណូយ រាយការណ៍ឲ្យវីអូអេពីរាជធានីភ្នំពេញដូចតទៅ៕