សពរបស់លោក John Lewis ត្រូវតម្កល់នៅវិមានសភាអាមេរិកសម្រាប់សាធារណជនគោរព

VOA News

29 កក្កដា 2020

លោក Lewis បានស្លាប់កាលពីសប្ដាហ៍មុនក្នុងអាយុ ៨០ ឆ្នាំ បន្ទាប់ពីបានប្រយុទ្ធនឹងជំងឺមហារីកលំពែងដំណាក់កាលចុងក្រោយពេញមួយឆ្នាំមក។

វ៉ាស៊ីនតោន —

សពរបស់លោក John Lewis ដែលជាសមាជិករដ្ឋសភា និងជានិមិត្តរូបសិទ្ធិស៊ីវិលរបស់សហរដ្ឋអាមេរិក ត្រូវតម្កល់ជាសាធារណៈនៅវិមានរដ្ឋសភាក្នុងរដ្ឋធានីវ៉ាស៊ីនតោនកាលពីថ្ងៃអង្គារ ដើម្បីសាធារណជននិងអ្នកកាន់ទុក្ខអាចចូលសម្តែងការគោរពក្នុងថ្ងៃចុងក្រោយ។

ថ្លែងនៅឯសាលក្រោមដំបូលមូលរបស់វិមានសភាកាលពីថ្ងៃច័ន្ទ អ្នកស្រី Nancy Pelosi ប្រធានរដ្ឋសភាសហរដ្ឋអាមេរិក បានហៅលោក Lewis ថា ជាមនសិការរបស់សភាជាតិអាមេរិក។ អ្នកស្រីថ្លែងយ៉ាងដូច្នេះថា៖

«វាជាការសក្តិសមណាស់ដែលលោក John Lewis បានត្រូវតម្កល់នៅសាលសពជាមួយអ្នកស្នេហាជាតិដទៃទៀត ដោយសពលោកតម្កល់នៅលើវេទិកាតម្កល់មឈូសតែមួយដែលត្រូវប្រើដើម្បីតម្កល់សពលោកប្រធានធិបតី Abraham Lincoln ដែរ»។

កម្រងរូបភាព VOA៖ លោក John Lewis ពីមេដឹកនាំសិទ្ធិពលរដ្ឋទៅជាសមាជិករដ្ឋសភា (១៩៤០-២០២០)

1/12 លោក John Lewis បង្ហាញរូបលោកលើទស្សនាវដ្ដី Life Magazine ចេញផ្សាយខែមីនា ឆ្នាំ ១៩៦៥ នៅក្នុងការិយាល័យរបស់លោក ក្នុងក្រុង Atlanta រដ្ឋ Georgia ថ្ងៃទី ៧ ខែសីហា ឆ្នាំ១៩៨៦។

2/12 លោក John Lewis ដែលកាលពីពេលនោះគឺជាគណៈកម្មាធិការនិស្សិតអហិង្សា ត្រូវបានកងកម្លាំងសន្ដិសុខរដ្ឋ Alabama វាយ ដើម្បីបំបែកហ្វូងបាតុករនៅក្រុង Selma។ លោក Lewis បានរងគ្រោះប្រេះឆ្អឹងលលាដ៍ក្បាល ថ្ងៃទី ៧ ខែមីនា ឆ្នាំ១៩៦៥។

លោក John Lewis (ស្ដាំបង្អស់) ដើរកៀកដៃជាមួយនឹងក្រុមមេដឹកនាំទាមទារសិទ្ធិពលរដ្ឋដទៃទៀត ដឹកនាំការតវ៉ាទាមទារសិទ្ធិឲ្យពលរដ្ឋស្បែកខ្មៅ ដោយដើរដង្ហែក្បួនទៅកាន់សាលាក្ដីក្នុងក្រុង Montgomery រដ្ឋ Alabama ថ្ងៃទី១៧ ខែមីនា ឆ្នាំ១៩៦៥។ — 3/12 លោក John Lewis (ស្ដាំបង្អស់) ដើរកៀកដៃជាមួយនឹងក្រុមមេដឹកនាំទាមទារសិទ្ធិពលរដ្ឋដទៃទៀត ដឹកនាំការតវ៉ាទាមទារសិទ្ធិឲ្យពលរដ្ឋស្បែកខ្មៅ ដោយដើរដង្ហែក្បួនទៅកាន់សាលាក្ដីក្នុងក្រុង Montgomery រដ្ឋ Alabama ថ្ងៃទី១៧ ខែមីនា ឆ្នាំ១៩៦៥។

4/12 លោក John Lewis ឈរឱបដៃស្ដាប់លោក Wilson Baker (បែរខ្នង) ដែលជានាយកផ្នែកសុវត្ថិភាពសាធារណៈ ព្រមានអំពីគ្រោះថ្នាក់នៃការតវ៉ានៅពេលយប់នៅក្នុងក្រុង Selma រដ្ឋ Alabama ថ្ងៃទី ២៣ ខែកុម្ភៈ ឆ្នាំ១៩៦៥។

5/12 លោក John Lewis (ឆ្វេងបង្អស់) រួមជាមួយនឹងបណ្ដាមេដឹកនាំទាមទារសិទ្ធិពលរដ្ឋស្បែកខ្មៅដទៃទៀត ដឹកនាំពិធីហែបុណ្យសពលោក Jimmie Lee Jackson សកម្មជនសិទ្ធិពលរដ្ឋស្បែកខ្មៅ នៅក្រុង Marion រដ្ឋ Alabama កាលពីថ្ងៃទី ៣ ខែមីនា ឆ្នាំ១៩៦៥។

6/12 លោក John Lewis (ទីមួយរាប់ពីឆ្វេង) ជួបប្រជុំជាមួយនឹងមេដឹកនាំទាមទារសិទ្ធិពលរដ្ឋដទៃទៀតដែលរួមមានទាំងលោក Martin Luther King ដើម្បីរៀបចំការតវ៉ាទាមទារសិទ្ធិឲ្យពលរដ្ឋស្បែកខ្មៅ ហៅថា "March on Washington" ទីក្រុងញូវយ៉ក សហរដ្ឋអាមេរិក ថ្ងៃទី ៧ ខែមីនា ឆ្នាំ២០១៥។

ក្រុមមេដឹកនាំសិទ្ធិពលរដ្ឋ ដែលរួមមានទាំងលោក John Lewis និងលោក Martin Luther King Jr. ថ្លែងទៅកាន់អ្នកកាសែត បន្ទាប់ពីជួបជាមួយនឹងលោកប្រធានាធិបតី John F. Kennedy ថ្ងៃទី ២៨ ខែសីហា ឆ្នាំ១៩៦៣។ — 7/12 ក្រុមមេដឹកនាំសិទ្ធិពលរដ្ឋ ដែលរួមមានទាំងលោក John Lewis និងលោក Martin Luther King Jr. ថ្លែងទៅកាន់អ្នកកាសែត បន្ទាប់ពីជួបជាមួយនឹងលោកប្រធានាធិបតី John F. Kennedy ថ្ងៃទី ២៨ ខែសីហា ឆ្នាំ១៩៦៣។

ក្រុមមេដឹកនាំទាមទារសិទ្ធិពលរដ្ឋ ដែលរួមមានទាំងលោក John Lewis (ឈរនៅក្រោយចំកណ្ដាល) ជួបជាមួយនឹងលោកប្រធានាធិបតី John F. Kennedy នៅសេតវិមាន ក្រោយពីការតវ៉ា March on Washington បញ្ចប់ រដ្ឋធានីវ៉ាស៊ីនតោន ថ្ងៃទី ២៨ ខែសីហា ឆ្នាំ១៩៦៣។ — 8/12 ក្រុមមេដឹកនាំទាមទារសិទ្ធិពលរដ្ឋ ដែលរួមមានទាំងលោក John Lewis (ឈរនៅក្រោយចំកណ្ដាល) ជួបជាមួយនឹងលោកប្រធានាធិបតី John F. Kennedy នៅសេតវិមាន ក្រោយពីការតវ៉ា March on Washington បញ្ចប់ រដ្ឋធានីវ៉ាស៊ីនតោន ថ្ងៃទី ២៨ ខែសីហា ឆ្នាំ១៩៦៣។

9/12 អតីតប្រធានាធិបតីលោក Barack Obama (ស្ដាំ) កាន់ដៃលោក John Lewis (ឆ្វេង) ដើរឆ្លងកាត់ស្ពាន Edmund Pettus Bridge ដើម្បីប្រារព្ធខួបទី ៥០ នៃការទាមទារសិទ្ធិពលរដ្ឋ នៅក្រុង Selma រដ្ឋ Alabama ថ្ងៃទី ៧ ខែមីនា ឆ្នាំ២០១៥។

10/12 លោក John Lewis សមាជិករដ្ឋសភាតំណាងរដ្ឋ Georgia ខាងគណបក្សប្រជាធិបតេយ្យ ឈរថតរូបនៅមុខសម្រង់សម្ដីរបស់លោកដែលនិយាយថា៖ «បើយើងមិនធ្វើវា តើនរណានឹងធ្វើវា? បើមិនធ្វើវាពេលនេះ តើចាំដល់ពេលណា?»។

11/12 លោក John Robert Lewis ដែលជាជ័យលាភីទាមទារសិទ្ធសម្រាប់ពលរដ្ឋអាមេរិកាំងដើមកំណើតអាហ្វ្រិក ទទួលមេដាយសេរីភាពពីលោកប្រធានាធិបតី Barack Obama នៅក្នុងឆ្នាំ ២០១១។

12/12 ពលរដ្ឋនាំគ្នាយកផ្កាមកដាក់នៅជិតរូបគំនូរលោក John Lewis ក្នុងក្រុង Atlanta រដ្ឋ Georgia ក្រោយពីលោកទទួលមរណភាព កាលពីថ្ងៃសុក្រ ទី ១៧។ អក្សរលើរូបគំនូរនេះសរសេរថា «វីរបុរស»។

ប្រធានព្រឹទ្ធសភាសហរដ្ឋអាមេរិក លោក Mitch McConnell ក៏បានថ្លែងសរសើរលោក Lewis ដែរ ដោយលោកថា «លោក Lewis បានរស់នៅនិងធ្វើការដោយភាពបន្ទាន់ ដោយសារកិច្ចការដែលលោកត្រូវធ្វើមានភាពបន្ទាន់។»

លោកប្រធានាធិបតី Donald Trump មិនមានវត្តមាននៅក្នុងពិធីនោះទេ ហើយលោកធ្លាប់បានទាស់សម្តីតាម Twitter ជាមួយលោក Lewis។ ក្រោយលោក Lewis បាននិយាយថា លោក Trump មិនស្របច្បាប់ លោកត្រាំ Trump បានហៅស្រុកដែលលោក Lewis តំណាងក្នុងសភាថា ជាតំបន់«ពោរពេញដោយបទឧក្រិដ្ឋ»។

លោកអនុប្រធានាធិបតី Mike Pence បានសម្តែងការគោរពរបស់លោកកាលពីច័ន្ទ ព្រមជាមួយលោក Joe Biden អតីតអនុប្រធាធិបតីមកពីគណបក្សប្រជាធិបតេយ្យ។

បន្ទាប់ពីតម្កល់ជាសាធារណៈនៅក្នុងរដ្ឋធានីវ៉ាស៊ីនតោន នៅថ្ងៃពុធ សពរបស់លោក Lewis នឹងត្រូវបញ្ជូនទៅតម្កល់ជាសាធារណៈនៅក្នុងវិមានសភារដ្ឋ Georgia ក្នុងទីក្រុង Atlanta មុនពេលពិធីបុណ្យសពចុងក្រោយរបស់លោកធ្វើឡើងនៅថ្ងៃព្រហស្បតិ៍នៅវិហារគ្រិស្ដសាសនា Ebenezer Baptist Church។ សពរបស់លោកនឹងត្រូវបញ្ចុះនៅទីបញ្ចុះសព South View Cemetery ក្នុងទីក្រុង Atlanta៕

សពរបស់លោក John Lewis ត្រូវតម្កល់នៅវិមានសភាអាមេរិកសម្រាប់សាធារណជនគោរព

កម្រងរូបភាព VOA៖ លោក John Lewis ពីមេដឹកនាំសិទ្ធិពលរដ្ឋទៅជាសមាជិករដ្ឋសភា (១៩៤០-២០២០)

អត្ថបទទាក់ទង

តំណាងរាស្ត្រស.រ.អា និងជាមេដឹកនាំសិទ្ធិពលរដ្ឋលោក John Lewis បានទទួលមរណភាព

កម្រងរូបភាព VOA៖ លោក John Lewis ពីមេដឹកនាំសិទ្ធិពលរដ្ឋទៅជាសមាជិករដ្ឋសភា (១៩៤០-២០២០)

សពរបស់លោក John Lewis នឹងត្រូវតម្កល់ជាសាធារណៈនៅវិមានសភាក្នុងរដ្ឋធានីវ៉ាស៊ីនតោន

ពិធីបុណ្យសពរបស់លោក John Lewis ធ្វើឡើងនៅរដ្ឋ Alabama រដ្ឋ Georgia និងរដ្ឋធានីវ៉ាស៊ីនតោន

ភ្ជាប់​ទៅ​គេហទំព័រ​ទាក់ទង

បណ្តាញ​សង្គម

សព​របស់​លោក John Lewis ត្រូវ​តម្កល់​នៅ​វិមាន​សភា​អាមេរិក​សម្រាប់​សាធារណជន​គោរព

កម្រងរូបភាព VOA៖ លោក John Lewis ពី​មេដឹកនាំ​សិទ្ធិ​ពលរដ្ឋ​ទៅ​ជា​សមាជិក​រដ្ឋសភា (១៩៤០-២០២០)

អត្ថបទ​ទាក់ទង

តំណាងរាស្ត្រ​ស.រ.អា និង​ជា​មេដឹកនាំ​សិទ្ធិ​ពលរដ្ឋ​លោក John Lewis បាន​ទទួល​មរណភាព

កម្រងរូបភាព VOA៖ លោក John Lewis ពី​មេដឹកនាំ​សិទ្ធិ​ពលរដ្ឋ​ទៅ​ជា​សមាជិក​រដ្ឋសភា (១៩៤០-២០២០)

សព​របស់​លោក John Lewis នឹង​ត្រូវ​តម្កល់​ជា​សាធារណៈ​នៅ​វិមាន​សភា​ក្នុង​រដ្ឋធានី​វ៉ាស៊ីនតោន

ពិធី​បុណ្យ​សព​របស់​លោក John Lewis ធ្វើ​ឡើង​នៅ​រដ្ឋ Alabama រដ្ឋ Georgia និង​រដ្ឋធានី​វ៉ាស៊ីនតោន

ភ្ជាប់ទៅគេហទំព័រទាក់ទង

បណ្តាញសង្គម

សពរបស់លោក John Lewis ត្រូវតម្កល់នៅវិមានសភាអាមេរិកសម្រាប់សាធារណជនគោរព

កម្រងរូបភាព VOA៖ លោក John Lewis ពីមេដឹកនាំសិទ្ធិពលរដ្ឋទៅជាសមាជិករដ្ឋសភា (១៩៤០-២០២០)

អត្ថបទទាក់ទង

តំណាងរាស្ត្រស.រ.អា និងជាមេដឹកនាំសិទ្ធិពលរដ្ឋលោក John Lewis បានទទួលមរណភាព

កម្រងរូបភាព VOA៖ លោក John Lewis ពីមេដឹកនាំសិទ្ធិពលរដ្ឋទៅជាសមាជិករដ្ឋសភា (១៩៤០-២០២០)

សពរបស់លោក John Lewis នឹងត្រូវតម្កល់ជាសាធារណៈនៅវិមានសភាក្នុងរដ្ឋធានីវ៉ាស៊ីនតោន

ពិធីបុណ្យសពរបស់លោក John Lewis ធ្វើឡើងនៅរដ្ឋ Alabama រដ្ឋ Georgia និងរដ្ឋធានីវ៉ាស៊ីនតោន