ប្រទេសកម្ពុជាបានដាក់ពាក្យបណ្តឹងតវ៉ានៅតុលាការយុត្តិធម៌អឺរ៉ុបប្រឆាំងនឹងការសម្រេចចិត្តរបស់សហភាពអឺរ៉ុបក្នុងការកំណត់ពន្ធនាំអង្ករពីកម្ពុជាចូលទីផ្សារសហភាពអឺរ៉ុប។
សហភាពអឺរ៉ុបបានកំណត់យកពន្ធលើអង្ករកម្ពុជានិងភូមារយៈពេលបីឆ្នាំ ចាប់ផ្តើមកាលពីខែមករាដើម្បីទប់ស្កាត់អ្វីដែលសហភាពអឺរ៉ុបនិយាយថា ជាវិធានការការពារផលិតកររបស់សហភាពអឺរ៉ុបដូចជាប្រទេសអ៊ីតាលីប្រឆាំងនឹងការនាំចូលការកើនឡើង។
ទោះជាយ៉ាងណា សហព័ន្ធស្រូវអង្ករកម្ពុជាបាននិយាយកាលពីថ្ងៃព្រហស្បតិ៍ថាវិធានការការពារនេះមិនពាក់ព័ន្ធនឹងសកម្មភាពអយុត្តិធម៌ណាមួយទេតែផ្អែកលើការវាយតម្លៃទូទៅនិងទិន្នន័យមិនត្រឹមត្រូវ។ បណ្តាប្រទេសសហភាពអឺរ៉ុបភាគច្រើនបានគាំទ្រវិធានការការពារនានា ប៉ុន្តែការសម្រេចនេះមិនមានសមាជិកគាំទ្រច្រើនគ្រប់គ្រាន់តាមតម្រូវការជាធម្មតានោះទេ។ បន្ទាប់មកគណៈកម្មការអឺរ៉ុបបានធ្វើការសម្រេចនេះដោយខ្លួនឯង។
ប្រទេសកម្ពុជានិងភូមាទទួលបានអត្ថប្រយោជន៍ពីការអនុគ្រោះពន្ធពីសហភាពអឺរ៉ុបលើ«ទំនិញទាំងអស់លើកលែងតែអាវុធ»ដែលអនុញ្ញាតឲ្យប្រទេសអភិវឌ្ឍន៍តិចតួចបំផុតក្នុងពិភពលោកនាំទំនិញភាគច្រើនទៅសហភាពអឺរ៉ុបដោយមិនបង់ពន្ធគយ។
ប្រទេសកម្ពុជានិងភូមាកំពុងប្រឈមមុខនឹងការបាត់បង់ការអនុគ្រោះខាងពាណិជ្ជកម្មពីទីផ្សារធំជាងគេក្នុងពិភពលោកដោយសារតែកំណត់ត្រាវិបត្តិសិទ្ធិមនុស្ស ទោះជាយ៉ាងណាទណ្ឌកម្មជាសក្តានុពលនេះគឺដាច់ដោយឡែកពីវិធានការការពារអង្ករសហភាពអឺរ៉ុប។ អង្ករប្រទេសទាំងពីរត្រូវបង់ពន្ធ១៧៥អ៊ឺរ៉ូដែលស្មើនឹង១៩៧,៣១ដុល្លារអាមេរិកក្នុងមួយតោនក្នុងឆ្នាំទីមួយហើយចុះមកនៅត្រឹម១៥០អ៊ឺរ៉ូនៅឆ្នាំទី២និង១២៥អឺរ៉ូក្នុងឆ្នាំទី៣។
គណៈកម្មការអឺរ៉ុបបាននិយាយថា ខ្លួនបានរកឃើញថា ការនាំអង្ករចូលពីប្រទេសទាំងពីរបានកើនឡើង៨៩% ក្នុងរដូវធ្វើស្រែ៥រដូវចុងក្រោយនេះ ហើយការនាំចូលច្រើនហើយបានកាត់បន្ថយទីផ្សាររបស់ផលិតករនៅសហភាពអឺរ៉ុបពី២៩%ទៅ៦១%។ ក្រសួងពាណិជ្ជកម្មកម្ពុជាបានហៅការសម្រេចចិត្តរបស់សហភាពអឺរ៉ុបថា ជា«អាវុធសម្លាប់កសិករខ្មែរ» ហើយប្រឆាំងនឹងច្បាប់ពាណិជ្ជកម្មអន្តរជាតិ៕
