ប្រធានាធិបតីតួកគី លោក Recep Tayyip Erdogan បាននិយាយថា ក្រុមអ្នកវាយប្រហារបានបំផ្ទុះអាវុធ និងបានបាញ់ប្រហារនៅក្នុងការវាយប្រហារមួយកាលពីថ្ងៃពុធ ទៅលើទីតាំងនៃក្រុមហ៊ុនអាកាសចរណ៍និងការពារជាតិតួកគី TUSAS ហើយបានសម្លាប់មនុស្ស ៤ នាក់ និងជាច្រើននាក់ទៀតរងរបួស។
រដ្ឋមន្ត្រីក្រសួងមហាផ្ទៃតួកគី លោក Ali Yerlikaya បាននិយាយថា យ៉ាងហោចណាស់អ្នកវាយប្រហារពីរនាក់បានស្លាប់។
លោក Erdogan បាននិយាយក្នុងអំឡុងកិច្ចប្រជុំជាមួយប្រធានាធិបតីរុស្ស៊ី លោក Vladimir Putin នៅខាងក្រៅកិច្ចប្រជុំ BRICS ក្នុងទីក្រុង Kazan ប្រទេសរុស្ស៊ីថា «យើងមានទុក្ករបុគ្គលបួននាក់។ យើងមានអ្នករបួស ១៤នាក់។ ខ្ញុំសូមថ្កោលទោសចំពោះការវាយប្រហារភេរវកម្មដ៏សាហាវនេះ ហើយសូមជូនពរដល់ទុក្ករបុគ្គល របស់ យើង»។
លោក Putin បានចូលរួមការរំលែកទុក្ខដល់ លោក Erdogan ចំពោះការវាយប្រហារនេះ។
លោក Selim Cirpanoglu អភិបាលស្រុក Kahramankazan បានប្រាប់សារព័ត៌មាន Associated Press ថា ការវាយប្រហារលើក្រុមហ៊ុននៅជាយក្រុង Ankara ប្រទេសតូកគីបានធូរស្រាល ប៉ុន្តែមិនអាចផ្តល់ព័ត៌មានលម្អិតបន្ថែមបានទេ។
វាមិនច្បាស់ថាអ្នកណាអាចនៅពីក្រោយការវាយប្រហារនេះ។ ក្រុមសកម្មប្រយុទ្ធឃឺដ ដែលជាក្រុមរដ្ឋឥស្លាម និងពួកឆ្វេងនិយមជ្រុល បានធ្វើការវាយប្រហារនៅក្នុងប្រទេសតួកគីនាពេលកន្លងមក៕
