សហគ្រិនវ័យក្មេងដែលឈ្នះពានរង្វាន់ អ្នកស្រី ហុក ស្រីមុំ មានការតាំងចិត្តខ្ពស់និងប្រើភាពឆ្លាតវៃក្នុងការចាប់យកឱកាសល្អៗដើម្បីចាប់យកចំណេះដឹងនិងជំនាញ ដែលបានជួយឲ្យអ្នកស្រីសម្រេចក្តីស្រមៃនាពេលបច្ចុប្បន្ននេះ។ តាមរយៈការងារបច្ចុប្បន្នរបស់អ្នកស្រីក្នុងនាមជាគ្រូបង្គោលម្នាក់សម្រាប់ស្ត្រីនៅតាមជនបទ អ្នកស្រី ហុក ស្រីមុំ បាននិងកំពុងជួយដល់ស្ត្រីជាច្រើននាក់ទទួលបានជំនាញដែលអាចផ្លាស់ប្តូរជីវភាពគ្រួសាររបស់ពួកគេ។ នៅក្នុងបទសម្ភាសន៍ជាមួយអ្នកស្រី ធីតា វីន អ្នកយកព័ត៌មានឲ្យវីអូអេ អ្នកស្រី ស្រីមុំ ដែលជាសហស្ថាបនិក Khmer Lesson បានថ្លែងថា ដោយមានឆន្ទៈខ្ពស់និងផែនការច្បាស់លាស់ ស្ត្រីក៏អាចសម្រេចបាននូវក្តីស្រមៃក្លាយជាសហគ្រិនរបស់ខ្លួន៕