«ស្រ្តីនិងភាពជាអ្នកដឹកនាំ»៖ លោកស្រី ខៃ ចិន្តា គ្រប់បញ្ហាតែងតែមានដំណោះស្រាយ
ការតស៊ូមោះមុត ភាពក្លាហានមិនចុះចាញ់ និងការជឿជាក់លើខ្លួនឯងបានជួយជំរុញឲ្យលោកស្រី ខៃ ចិន្តា ក្លាយជាសហគ្រិនស្រ្តីលេចធ្លោម្នាក់ក្នុងវិស័យអេកូទេសចរណ៍។ លើសពីនេះទៅទៀត លោកស្រីបានដឹកនាំជួយអភិរក្សសត្វដំរីផងដែរ។ លោកស្រី ខៃ ចិន្តា បានថ្លែងនៅក្នុងបទសម្ភាសន៍ជាមួយអ្នកស្រី ធីតា វីន អ្នកយកពត៌មានឱ្យវីអូអេថា ស្រ្តីជាអ្នកដឹកនាំដែលមានការលះបង់ខ្ពស់ ចេះរៀបចំផែនការការងារឱ្យបានត្រឹមត្រូវ និងមានឆន្ទៈខ្ពស់ អាចឈានបានជោគជ័យក្នុងវិស័យការងារក្រៅផ្ទះ និងអាចជួយដល់ការជន្នះនឹងផ្នត់គំនិតចាស់បុរាណដែលមានមកលើស្ត្រីខ្មែរ៕
