លោក Trump ត្រូវបានគ្រាចុះពីឆាកក្នុងរដ្ឋ Pennsylvania បន្ទាប់ពីមានស្នូរកាំភ្លើងបានបន្លឺឡើងក្នុងហ្វូងមនុស្ស
លោក Donald Trump ត្រូវបានគេគ្រាចុះពីលើឆាកនៅឯការជួបជុំគ្នាក្នុងទីក្រុង Butler រដ្ឋ Pennsylvania បន្ទាប់ពីស្នូរកាំភ្លើងបានបន្លឺក្នុងហ្វូងមនុស្ស។
លោក Trump កំពុងបង្ហាញតារាងតួរលេខជនអន្តោប្រវេសន៍ឆ្លងកាត់ព្រំដែន នៅពេលដែលសំឡេងផ្ទុះឡើងក្នុងហ្វូងមនុស្ស។ លោក Trump អាចត្រូវបានគេឃើញលើកដៃស្តាំឡើង ហើយមើលទៅមានឈាមនៅលើមុខរបស់លោក។
លោកបានឱនពួនយ៉ាងលឿននៅពីក្រោយវេទិកាសុន្ទរកថា ខណៈអង្គរក្សរបស់លោកបានប្រញាប់ប្រញាល់រត់ទៅលើឆាក ហើយហ្វូងមនុស្សបានស្រែកបន្ទរ។ ស្នូរកាំភ្លើងបានបន្តខណៈអង្គរក្សចូលទៅជួយលោកទៅលើឆាក។
ហ្វូងមនុស្សបានត្រេកអរពេលលោកក្រោកឡើងវិញ ហើយលើកដៃក្តាប់ឡើង។
ក្បួនដង្ហែរបស់លោកបានចាកចេញពីកន្លែងកើតហេតុណ៍។ ស្ថានភាពរបស់លោកនូវមិនទាន់ដឹងភ្លាមៗទេ។
ប៉ូលិសបានចាប់ផ្តើមជម្លៀសមនុស្សចេញពីកន្លែងកម្មវិធីភ្លាមៗ បន្ទាប់ពីលោក Trump ចាកចេញពីឆាក។
កងអង្គរក្សរបស់សហរដ្ឋអាមេរិក និងភ្នាក់ងារអនុវត្តច្បាប់ផ្សេងទៀត មិនបានឆ្លើយតបភ្លាមៗចំពោះសារសាកសួរនោះទេ។
លោកប្រធានាធិបតី Joe Biden កំពុងចាកចេញពីអភិបូជានៅឆ្នេរ Rehoboth ក្នុងរដ្ឋ Delaware ហើយគ្រាន់តែឆ្លើយថា «ទេ» នៅពេលលោកត្រូវបានសួរថាតើលោកត្រូវបានផ្តល់ព័ត៌មានអំពីឧប្បត្តិហេតុដែរឬទេ។
វីដេអូនិងរូបភាពនៅឯការប្រមូលផ្តុំយុទ្ធនាការបោះឆ្នោតមួយក្នុងរដ្ឋ Pennsylvania របស់ លោក Trump ខណៈមានការបាញ់ប្រហារ
រដ្ឋអាជ្ញាស្រុក Butler លោក Richard Goldinger បានប្រាប់ទីភ្នាក់ងារសារព័ត៌មាន The Associated Press ថា ជនសង្ស័យជាខ្មាន់កាំភ្លើងបានស្លាប់ ហើយយ៉ាងហោចណាស់មានអ្នកចូលរួមក្នុងការប្រមូលផ្តុំម្នាក់ត្រូវបានសម្លាប់។
សេតវិមាននិយាយថា លោកប្រធានាធិបតី Joe Biden ត្រូវបានផ្តល់ព័ត៌មានអំពីឧប្បត្តិហេតុនេះ។
លោក Biden ថ្លែងអំពីឧប្បត្តិហេតុនេះថា៖ «អាមេរិកគ្មានកន្លែងសម្រាប់អំពើហិង្សាបែបនេះទេ។ អាក្រក់ណាស់។ អាក្រក់ណាស់។ នេះជាមូលហេតុមួយដែលយើងត្រូវតែបង្រួបបង្រួមប្រទេសនេះ។ យើងមិនអាចអនុញ្ញាតឱ្យរឿងនេះកើតឡើងបានទេ។ យើងមិនអាចធ្វើអ៊ីចឹងទេ។ យើងមិនអាចអត់ឱនរឿងនេះបានទេ»។
