សហរដ្ឋ​អាមេរិក បាន​ទទួលស្គាល់​ស្រ្តី ១២នាក់ ពី​ជុំវិញ​ពិភពលោក ដោយ​ផ្តល់​រង្វាន់​ភាពក្លាហាន​នៃ​ស្រ្តី​អន្តរជាតិ ដែល​ជា​ភាសា​អង់គ្លេស​ថា International Women of Courage សម្រាប់​ភាព​ជា​អ្នកដឹកនាំ​របស់​ពួកគេ ក្នុង​ការគាំទ្រ​សិទ្ធិ​មនុស្ស លិទ្ធិ​ប្រជាធិបតេយ្យ សមភាព​យេនឌ័រ និង​ការផ្តល់​អំណាច​ដល់​ស្រ្តី។ ស្រ្តី​ម្នាក់​ក្នុង​ចំណោម​ស្រ្តី​ទាំង ១២ នាក់ ដែល​បាន​ទទួល​រង្វាន់​នោះ គឺ​អ្នកស្រី Sayragul Sauytbay ដែល​បាន​បង្ហាញ​ជំរំ​ឃុំឃាំង​ជន​កាន់​សាសនា​ឥស្លាម​នៅ​ក្នុង​តំបន់​ស៊ីនជាំង​នៃ​ប្រទេស​ចិន។ អ្នកស្រី Nike Ching អ្នកឆ្លើយឆ្លង​ព័ត៌មាន​របស់ VOA ប្រចាំ​នៅ​ក្រសួង​ការបរទេស​សហរដ្ឋ​អាមេរិក រាយការណ៍​អំពី​រឿង​នេះ។ អ្នកស្រី លី ម៉ូរីវ៉ាន់ ជូន​សេចក្តី​ប្រែសម្រួល។