ការហាត់ប្រាណរបស់បុរសជាកត្តារួមចំណែកដល់សុខភាពកូនៗរបស់ពួកគេ
មនុស្សជាច្រើនដឹងថា សុខភាពស្ត្រីដែលរួមទាំងការតមចំណីអាហារ និងទម្លាប់នៃការធ្វើលំហាត់ប្រាណជាកត្តារួមចំណែកដល់សុខភាពទារករបស់ពួកគេ បើទោះបីជាពួកគេមិនទាន់មានផ្ទៃពោះក៏ដោយ។ ស្ត្រីជាច្រើនព្យាយាមសម្រកទម្ងន់និងធ្វើការពិគ្រោះជាមួយគ្រូពេទ្យនានា ដើម្បីថែទាំសុខភាពរបស់ពួកគេ។ ក៏ប៉ុន្តែ រហូតមកទល់នឹងពេលនេះមានមនុស្សតិចតួចណាស់ ដែលបានដឹងអំពីតួនាទីនៃការតមចំណីអាហារ និងជម្រើសនៃការហាត់ប្រាណរបស់បុរសជាឳពុក។ អ្នកស្រី Carol Pearson នៃ VOA រាយការណ៍អំពីការសិក្សាស្រាវជ្រាវមួយដែលបង្ហាញថា មានទំនាក់ទំនងរវាងសុខភាពបុរសដែលជាឳពុកទៅនឹងទារកដែលមិនទាន់ចាប់កំណើតរបស់ពួកគេ។ អ្នកស្រី ស៊ូ ពេជ្រចិន្តា ជូនសេចក្តីប្រែសម្រួល៕
