កសិករអាមេរិកាំងនៅវិលវល់ដោយសារជម្លោះពាណិជ្ជកម្មរវាងអាមេរិកនិងចិន
កសិករនៅតំបន់កណ្ដាលភាគខាងជើងសហរដ្ឋអាមេរិកកំពុងធ្វើការងារកសិកម្មនៅរដូវស្លឹកឈើជ្រុះនេះ ចំពេលដែលមានជម្លោះពាណិជ្ជកម្មរវាងសហរដ្ឋអាមេរិក និងចិនកើតឡើង។ ប្រទេសចិនជាប្រទេសធ្លាប់នាំចូលដ៏ច្រើនបំផុតមួយនូវពោត និងសណ្ដែកសៀងពីសហរដ្ឋអាមេរិក។ ភាពស្រពិចស្រពិលនៅវិលវល់អំពីថាតើជម្លោះពាណិជ្ជកម្មនេះនឹងប៉ះពាល់ដល់ប្រាក់ចំណូលកសិកម្មនៅក្នុងឆ្នាំនេះឬក៏អត់ ដោយសារតែកសិករនៅមិនទាន់រងផលប៉ះពាល់នេះពេញទំហឹង ឬក៏ទទួលបានផលប្រយោជន៍ណាមួយនៅឡើយទេពីជម្លោះពាណិជ្ជកម្មដែលរីករាលដាលនេះ។ លោក Kane Farabaugh នៃ VOA រាយការណ៍អំពីរឿងនេះពីទីក្រុង Elgin រដ្ឋ Illinois។ លោក ភី សុភាដា ជូនសេចក្ដីប្រែសម្រួល៕
