បទសម្ភាសន៍ VOA៖ សិលាចារឹកមួយបញ្ជាក់ថា ដែនដីសុវណ្ណភូមិគឺគ្រប់គ្រងដោយស្តេចខ្មែរ
- នៅ វណ្ណារិន
ពាក្យថា ដែនដីសុវណ្ណភូមិត្រូវគេដឹងថាជាអាណាចក្រមួយដ៏រុងរឿងក្នុងតំបន់អាស៊ីកាលពីសម័យបុរាណ។ ពាក្យនេះត្រូវបានប្រទេសមួយចំនួនក្នុងតំបន់អាស៊ីអាគ្នេយ៍យកទៅប្រើប្រាស់ ហើយអះអាងថា ជាប្រទេសរបស់ផងខ្លួន។ ទោះយ៉ាងណាមិញ អ្នកជំនាញខាងសិលាចារឹកខ្មែរមួយរូប គឺលោកបណ្ឌិត វង្ស សុធារ៉ាអះអាងថា លោកបានរកឃើញសិលាចារឹកបុរាណរបស់ខ្មែរមួយដែលចារនៅឆ្នាំ៦៣៣នៃគ្រឹស្តសករាជ។ សិលាចារឹកនោះសរសេរថា សុវណ្ណភូមិស្ថិតក្រោមការត្រួតត្រារបស់ស្តេចខ្មែរមួយអង្គ ព្រះនាម ឦសានវរ្ម័នទី១។ លោក នៅ វណ្ណារិន នៃ VOA បានធ្វើបទសម្ភាសន៍ជាមួយលោកបណ្ឌិត វង្ស សុធារ៉ា ទាក់ទងនឹងការបញ្ជាក់ថ្មីៗរបស់លោក៕
