Hello VOA៖ គណបក្សនយោបាយ គួរតែមានចិត្តសឿងក្នុងការប្រកួតប្រជែងគ្នា
អ្នកតស៊ូមតិប្រឆាំងអំពើពុករលួយនិងជាអ្នកឃ្លាំមើលដំណើរការបោះឆ្នោតនៅកម្ពុជា លើកឡើងថា អ្នកនយោបាយខ្មែរ ដែលកំពុងប្រកួតប្រជែងគ្នា ដើម្បីដណ្ដើមអំណាចដឹកនាំប្រទេសនេះ គួរតែមានចិត្តសឿង ក្នុងការប្រកួតគ្នាដោយស្មើភាពនិងយុត្តិធម៌។ លោក ព្រាប កុល នាយកប្រតិបត្តិនៃអង្គការតម្លាភាពកម្ពុជា បានថ្លែងបែបនេះ នៅក្នុងកម្មវិធី «Hello VOA» នៅថ្ងៃព្រហស្បតិ៍ ទី១១ ខែសីហានេះ៖ «អ្នកនយោបាយ គួរតែមានចិត្តសឿង ក្នុងការប្រកួតប្រជែងដោយយុត្តិធម៌តែម្តង។ មានន័យថា ឈ្នះដោយកិត្តិយស បើចាញ់ ក៏ចាញ់ដោយកិត្តិយស ដូចទឹកចិត្តកីឡាករ គឺប្រកួតបែបហ្នឹង ឲ្យអ្នកទស្សនាក៏ល្អមើល ហើយឲ្យអ្នកទស្សនាទាំងក្នុងនិងក្រៅប្រទេសពីគ្រប់ភាគី ពេញចិត្តនឹងមើលតែម្តង»។ សូមស្តាប់កម្មវិធី «Hello VOA» ទាំងស្រុងដូចខាងក្រោមនេះ៖ (សាយ មុន្នី វ៉ាស៊ីនតោន)
