វគ្គថ្មីនៃភាពយន្តរឿង Star Wars មានដាក់បញ្ចាំងតាមរោងភាពយន្តនៅថ្ងៃទី១៧ ខែធ្នូនេះ។ ភាពយន្តមានរយៈពេលយូររឿង Star War របស់ផលិតករ George Lucas គឺជាភាពយន្តដែលមានច្រើនវគ្គដែលទទួលបានជោគជ័យបំផុតក្នុងពិភពលោក។ វគ្គទីមួយមានចំណងជើងថា «A New Hope» ដែលបានចេញនៅឆ្នាំ១៩៧៧ គឺជាភាពយន្តដែលរកចំណូលបានច្រើនបំផុតទី២ បន្ទាប់ពីរឿង «Gone With the Wind» ដែលបានចេញនៅឆ្នាំ១៩៣៩។ លោក Kane Farabaugh នៃ VOA រាយការណ៍ពីក្រុងHollywood ថា អ្នកគាំទ្រភាពយន្តរឿង Star War និងម្ចាស់រោងភាពយន្តថ្លែងថា ប្រាក់ចំណូលបានមកពីការដាក់បញ្ចាំងវគ្គថ្មីនៃភាពយន្តនេះ អាចនឹងមានចំនួនច្រើនជាងភាពយន្តថ្មីៗមួយចំនួន។ អ្នកស្រី លី ម៉ូរីវ៉ាន់ ជូនសេចក្តីប្រែសម្រួល៕