ច្បាប់សិទ្ធិបោះឆ្នោតធ្វើឲ្យកើនចំនួនអ្នកនយោបាយជាជនជាតិភាគតិច
កាលពី៥០ឆ្នាំមុន សមាជិកសភាសហរដ្ឋអាមេរិក បានអនុម័តច្បាប់សិទ្ធិបោះឆ្នោតឆ្នាំ១៩៦៥ ហើយបន្ទាប់មកលោកប្រធានាធិបតី Lyndon Johnson បានចុះហត្ថលេខា។ វិធានការនេះបានចាត់ទុកការរើសអើងខាងជាតិសាសន៍ក្នុងការបោះឆ្នោត ជាការខុសច្បាប់ដោយបានផ្តល់ឲ្យនូវការប្រតិបត្តិច្បាប់សហព័ន្ធនូវសិទ្ធិបោះឆ្នោតដល់ជនជាតិអាមេរិកាំងដើមកំណើតអាហ្វ្រិករាប់លាននាក់នៅក្នុងផ្នែកជាច្រើននៃតំបន់ភាគខាងត្បូងសហរដ្ឋអាមេរិក។ ច្បាប់នោះ ក៏ជាគោលការណ៍ដ៏សំខាន់មួយសម្រាប់ចលនាសិទ្ធិពលរដ្ឋអាមេរិកាំង ដែលបានបង្កើតអ្នកនយោបាយជនជាតិស្បែកខ្មៅនិងជនជាតិភាគតិចរាប់ពាន់នាក់ផងដែរ។ នៅក្នុងសេចក្តីរាយការណ៍របស់ VOAស្តីពី«ច្បាប់សិទ្ធិបោះឆ្នោតក្នុងខួបទី៥០» លោក Chris Simkins អ្នកឆ្លើយឆ្លងព័ត៌មានរបស់ VOA បានណែនាំយើងឲ្យស្គាល់មន្រ្តីជាប់ឆ្នោតខ្លះដែលនិយាយថា បើគ្មានច្បាប់សិទ្ធិបោះឆ្នោតទេនោះ ពួកគេ នឹងគ្មានឱកាសដើម្បីបម្រើសហគមន៍របស់ពួកគេទេ។ លោក ជឹង ប៉ូជីន ជូនសេចក្តីប្រែសម្រួល៕
