"რასაც ახლა „ქართული ოცნებისგან“ ვხედავთ, ეს არ მომხდარა ერთ ღამეში ან წინასაარჩევნო პერიოდში. ეს ისაა, რაც ბოლო 5-6 წლის განმავლობაში გრძელდება. ეს არის ევროპისგან და ევროატლანტიკური ინტეგრაციის გზიდან დაშორება და რუსეთთან დაახლოება", - ამბობს დეზინფორმაციის მკვლევარი, ნინა იანკოვიჩი.
გავლენიანი ამერიკელი სენატორი, დემოკრატი ჯინ შაჰინი "ამერიკის ხმასთან" ექსკლუზიურ ინტერვიუში ოქტომბრის არჩევნების შესახებ მოლოდინებზე, ირაკლი კობახიძესთან შეხვედრაზე და ქვეყანაში არსებულ გამოწვევებზე საუბრობს.
საქართველოში "ენ-დი-აის" ყოფილი დირექტორი მიიჩნევს, რომ "ქართული ოცნება" არჩევნების დამკვირვებლების დისკრედიტაციას ცდილობს. ლორა თორნტონი ახლა "მაკკეინის ინსტიტუტის" გლობალური დემოკრატიის პროგრამების უფროსი დირექტორია. მას ვკითხეთ, რა გამოწვევებს ხედავს საქართველოში წინასაარჩევნოდ.
„საქართველოს მთავრობის ზოგიერთ ბოლოდროინდელი გადაწყვეტილება იყო არასწორი, სამწუხარო და საზიანო. იმედი მაქვს, საქართველოს ხელისუფლება ხედავს რა ხდება და აცნობიერებს, რომ ვითარება შეიძლება გაუარესდეს. ეს კი, საქართველოს უფრო დაუცველ მდგომარეობაში დატოვებს“ - ამბობს ჯონ ბოლტონი.
როუზ გიოტმიოლერი, ნატოს გენერალური მდივნის ყოფილი მოადგილე აცხადებს, რომ ნატოსთან და შეერთებულ შტატებთან საქართველოს მჭიდრო თანამშრომლობა, მისი ეროვნული უსაფრთხოების ინტერესებში შედის. საქართველოს ხელისუფლების პროპაგანდისტულ რიტორიკას კი ამ ურთიერთობებზე დამანგრეველი ეფექტი აქვს.
"თუკი ქვეყანა არ ასრულებს იმ ორგანიზაციების პირობებს, რომლის წევრობაც სურს, და არ იზიარებს მის ღირებულებებს, ეს ცხადია, მისი სუვერენული უფლებაა. მაგრამ მეორე მხარესაც ასეთივე უფლება აქვს, არ სურდეს მიიღოს თავის წრეში ის, ვინც განსხვავებულ გზას ირჩევს" - ამბობს ლატვიის პრეზიდენტი "ამერიკის ხმასთან"
მეტის ჩატვირთვა
