ევროკავშირის საბჭოს პრეზიდენტმა ანტონიო კოსტამ ხუთშაბათს განაცხადა, რომ უკრაინის პრეზიდენტი ვოლოდიმირ ზელენსკი ევროკავშირის ლიდერების სპეციალურ სამიტზე მიიწვია. სამიტი 6 მარტს ჩატარდება, რათა ევროკავშირის ლიდერებმა უკრაინის სამომავლო მხარდაჭერა განიხილონ.
„ევროკავშირი და მისი წევრი ქვეყნები მზად არიან აიღონ მეტი პასუხისმგებლობა ევროპის უსაფრთხოებაზე“, - თქვა კოსტამ ევროკავშირის ლიდერებისადმი მიწერილ წერილში.
„აქედან გამომდინარე, ჩვენ მზად უნდა ვიყოთ შესაძლო ევროპული წვლილისთვის უსაფრთხოების გარანტიებში, რაც აუცილებელი იქნება უკრაინაში ხანგრძლივი მშვიდობის უზრუნველსაყოფად",- ამბობს კოსტა.
კოსტამ, რომელიც ევროკავშირის სამიტებს ხელმძღვანელობს, თქვა, რომ ის მიზნად ისახავს ისეთი გადაწყვეტილებების მიღებას, რომლებიც ევროკავშირს "უკეთესად აღჭურვილს გახდის, რათა გაუმკლავდეს უსაფრთხოების უახლოეს და მომავალ გამოწვევებს".
