ავღანეთის პოლიციის განცხადებით, ავღანელმა დაცვის სამსახურის წევრმა ნატოს ორი ჯარისკაცი გამოასალმა სიცოცხლეს, მესამე დაჭრილია.
პოლიციის უფროსის გენერალ ქაშიმ ჯანგალბახის განცახადებით, ბოროტმოქმედმა ნატოს ჯარისკაცებს ცეცხლი მაშინ გაუხსნა, როდესაც ისინი პანჯშირის პროვინციაში სარეკონსტრუქციო ავტოკოლონასთან ერთად გადაადგილდებოდნენ. საპასუხო ცეცხლის გახსნის შემდეგ თავდამსხმელიც დაიღუპა.
მიმდინარე წლის განმავლობაში ნატოს ოფიციალური პირების განცხადებით დაღუპულია 280 სამხედრო მოსამსახურე.
