A jamhuriyar Nijar yau wasu ‘yan kasar, da hadin gwiwar al’ummomin kasashen yammacin Afrika mazauna kasar, su ka yi zaman darshan a harabar kungiyar CEDEAO ta birnin Yamai da jan hankulan shugabannin kasashen yankin kan bukatar su janye takunkumin da suka kakaba bayan juyin mulkin 26 ga watan Yulin 2023.
Kungiyoyin farar hula sun yi gangami ranar Lahadi a birnin Yamai da nufin nuna bukatar mahukunta su kadammar da farautar mukarraban gwamnatin PNDS Tarayya, cikinsu har da shugaba Issouhou Mahamadou da suke zargi da handamar dukiyar kasa, sai dai magoya bayan tsohon shugaban sun yi watsi da batun.
A yayin da wasu ke kyautata zato game da aniyar sabbin jami’an hukumar yaki da cin hanci kan batun yaki da mahandama dukiyar jama’a, wasu na ganin da dama daga cikinsu ba su da kwarewa a wannan fanni mai cike da sarkakiya, a saboda haka suka shawarci hukumomi da su hanzarta magance wannan matsala.
Gwamnatin mulkin sojan Nijer ta gargadi ‘yan kasar su kasance masu nuna halin dattako ko kuma su fuskanci fushin hukuma bayan da tace ta lura da yadda wasu ke yada manufofin kabilanci da na jihanci a kafafen sada zumunta.
Kungiyoyin malaman makaranta a Jamhuriyar Nijer sun fara nuna fargaba bayan da ‘yan bindiga suka abka wata makarantar boko suka yi awon gaba da malamai 2 a wani kauyen jihar Tilabery.
Kwamitin sulhu na kungiyar tarayyar Afrika ya bayyana damuwa game da halin da ake ciki a jamhuriyar Nijar inda har yanzu babu wani takamaiman jadawalin mayar da kasar kan tafarkin dimokradiya.
Hukumomin shari’ar jamhuriyar Nijar sun sanar cewa binciken da suka gudanar ya bada damar gano wasu karin bayanan da ke gaskanta zargin yunkurin tserewar shugaba Mohamed Bazoum da iyalinsa. Sun ce sun kama kudade da dama da wasu tarin kayayaki a fadar ta hambararren shugaban.
Wadansu kungiyoyin fararen hula masu goyon bayan sojojin CNSP a Jamhuriyar Nijar sun bayyana rashin jin dadinsu kan yadda suka ce gwamnan Yamai ya na masu katsalandan a harkokin cikin gida.
Kungiyoyin dai na zargin wasu shugabannin kasashen yammacin Afirka da jefa al'umar Nijar cikin kangin wahalhalu sanadiyyar takunkuman da aka kakaba mata.
A Nijar, wasu kungiyoyin farar hula sun kafa hadaka mai lakanin DCTR da nufin taimaka wa gwamnatin sojan kasar a yunkurin neman mafita sakamakon takunkumin kungiyar CEDEAO, suna masu jaddada aniyar bada gudummowa a dukkan tsare tsaren da suka shafi yunkurin mayar da kasar kan turbar dimokradiyya.
Lauyoyin da ke kare hambararren shugaban Nijar Mohammed Bazoum sun maida martani ga gwamnatin mulkin sojan kasar wace ta zarge shi da yunkurin tserewa daga inda ake tsare da shi tsawon watanni kusan uku, inda suka bukaci mahukuntan na Nijar su gaggauta sakin shugaba Bazoum da iyalinsa .
Sojojin da suka yi juyin mulki ranar 26 ga watan Yulin 2023 a Jamhuriyar Nijar sun sanar da dakile wani yunkurin arcewar hambararren Shugaban kasa Mohamed Bazoum da iyalinsa daga inda ake tsare da su.
A Jamhuriyar Nijar wasu kungiyoyin mata sun yi zaman dirshan a harabar ofishin CEDEAO na birnin Yamai da nufin jan hankalin shugabanin kungiyar da su janye takunkumin da suka sanya wa Nijar sanadiyar juyin mulkin ranar 26 ga watan Yuli.
Hukumomin tsaron Jamhuriyar Nijer sun bada sanarwar kashe gomman ‘yan ta’adda yayinda sojoji 6 suka rasu wasu 18 suka ji rauni sakamakon gumurzun da aka yi a arewacin jihar Tilabery.
A wani yunkurin samar da kudaden daukar dawainiyar al’amuran gudanar da sha’anin mulkin gwamnatin rikon kwaryar Jamhuriyar Nijar, gwamnatin mulkin soji ta kafa wata gidauniya da nufin tattara gudummawar kudade daga ‘yan kasar na ciki da waje.
A Jamhuriyar Nijar mambobin kungiyar Mata Masu Dubara (MMD) sun yi gangami a harabar babban bankin kasashen Afrika ta yamma rainon Faransa (BCEAO) don matsa lamba wa shugabannin bankin su mayar wa kasar kudaden ajiyarta wadanda takunkumin kungiyar UEMOA ya rutsa da su sakamakon juyin mulki.
Wani alkalin kotun Yamai babban birnin Jamhuriyar Nijar ya bada belin ‘yar jaridar nan Samira Sabou, bayan da ta shafe kwanaki 4 a hannun ‘yan sandan farin kaya.
Domin Kari
