An Kwarmata Bayanan Ganawar Trump Da James Comey

Comey ya ce ya rubuta bayanan ne jim kadan bayan da suka yi magana da shugaban na Amurka, saboda bai amince da ganawar tasa da shugaban ba.
A cikin bayanan Comey ya rubuta cewa, shugaban ya damu da ikirarin da ake yi na cewa ya hada kai da Rasha domin taimakawa wajen cin zaben shugaban kasa da kuma batun wani faifan bidiyo na Trump da wasu mata masu zaman kansu 'yan kasar Rasha.
A wani bayanin da ya rubuta bayan tattaunawa da Trump a ranar 30 ga watan Maris na shekarar 2017, Comey ya rubuta cewar Trump yace yana kokarin gudanar da mulkin shi amma wannan kazafin na Rasha na neman kawo mishi cikas.
Bangaren shari'a na Majalisa ne dai suka fitar da wannan takardun nuni wanda daga baya manema labarai suka samu.