Tashar CNN Ta Kai Karar Fadar White House

Sakatariyar labaran fadar White House Sarah Huckabee Sanders ta yi fatali da karar da CNN ta shigar, tana mai cewa gwamnatin tana kan bakarta na janye izinin daukar labaran da aka yiwa Jim Acosta.

Sanders ta fitar da sanarwa cewa, bayan Mr. Acosta ya yiwa shugaban kasa tambayoyi guda biyu kuma shugaban ya bashi amsa, sai yaki mika abin Magana na fadar White House domin sauran manema labarai su yi tambayoyinsu. Wannan ba shine karon farko da Acosta ya hana sauran manema labarai damar yin tambayoyi ba.

Da aka tambayi shugaba Donald Trump a wurin wani bukin White House a kan batun karar da CNN ta shigar a kotu, sai yace "zamu yi wannan Magana daga baya."

An shigar da kara ne a wata karamar kotun Washington kuma an mika batun ga alkali Timothy Kelly, wanda Trump ya nada atoni janar na kasar.