WASHINGTON DC —
Mr. Obama zai yi magana a wajen Rallyn da za’ayi a Philadelphia sannan zai halarci taron asusun jam’iyyar Democrat.
Clinton ta bayyanawa CNN ranar Litinin zata cigaba da kemfen a karshen wannan satin. Ma’aikatan ta sun bayyana samun kuskuren gane rashin lafiyar wanda ya faru ranar Juma’a, kwana biyu bayan ta bar wajen taro babu shiri a New York, hakan ya jawo cece kuce akan rashin lafiyar ta.
Clinton ta bayyana a ranar Litinin da ta gabata cewa “ Bata yi zaton rashin lafiyar tata zai zama wani babban al’amariba”.
Clinton da abokin karawarta na jam’iyyar republican Donald Trump sun yi alkawarin bayyana takardun da ke dauke da bayanin lafiyarsu.
