WASHINGTON DC —
Fadar ta ce “Sarauniya ta kamu da COVID ne a yau,” Sarauniya na tattare da alamomin sanyi amma ana sa ran za ta ci gaba da gudanar da ayyukanta sama-sama a Windsor a cikin mako mai zuwa.”
“Za a ci gaba da duba lafiyarta kuma za a bi duk hanyoyin da suka da ce,” a cewar fadar.
Yarima Charles mai jiran gado, dan shekaru 73, a farkon wannan watan ya fice daga wani taro bayan da ya kamu da coronavirus a karo na biyu. Wata majiya daga fadar ta ce ya gana da sarauniyar kwanakin kadan da suka wuce.
A ranar Laraba Sarauniyar ta fadi wa membobin gidan sarauta cewa ba ta iya motsawa sosai yayin da ta aiwatar da aikinta na farko tun lokacin da Charles tare da matarsa Camilla su ka kamu da cutar Covid-19.
