Gwamnatin tarayya ta jaddada aniyar samarda duk abinda ake bukata don ‘yan Najeriya su sami allurar rigakafin cutar Corona.
Sakataren Gwamnatin Tarayya, Mista Boss Mustapha ne ya bayar da wannan tabbacin a taron masu ruwa da tsaki na jihohi shida a Arewa ta tsakiyar Najeriya.
Shugaban komitin yaki da cutar Corona kuma sakataren gwamnatin tarayya, Mr. Boss Mustafa ya bayyana hakan yayin taron fadakar da masu ruwa da tsaki a jihohi shida dake shiyyar Arewa ta tsakiyar Najeriya, da aka gudanar a garin Lafiya, fadar jahar Nasarawa.
Gwamnan jahar Nasarawa, Injiniya Abdullahi Sule wanda ya zayyana irin matakan da gwamnatinsa ta dauka wajen yaki da cutar Corona ya kuma ce gwamnatin tasa ta kaddamar da cibiyar gwaji kan cututtuka masu yaduwa inda ake gwajin rigakafi da magunguna.
Saurare cikakken rahoton a sauti:
