WASHINGTON DC —
A wata hira da aka yi da Melania Trump jiya Litinin a gidan talabijin din CNN, ta fadi cewa mai gabatar da shirin talabijin din Access Hollywood a da Billy Bush, shine ya ingiza maigidanta ya fadi wadannan munanan kalaman wanda aka nada a bidiyo a shekarar 2005. Ta kara da cewa “ba haka maigidanta ya ke ba”. Yana da saukin kai, yana da hakuri, kuma yana mutunta mata.
A bidiyon dai Trump yayi kalaman batsa game da mata; yadda yake rungumarsu da kuma yadda ya so ya nemi wata matar aure. Trump dai ya ba jama’a hakurin wadannan kalaman.
Melania ta fadawa CNN cewa maigidanta ya bata hakuri akan kalaman da yayi, kuma ta gafarta masa. Ta kuma zargi kafafen yada labarai akan yadda suka yada batun don zubda darajar mijinta.
