Masarautar Brunei Ta Tanadi Hukuncin Kisa Ga Masu Laifin Zina Da Luwadi

Sababbin dokokin da zasu soma aiki daga yau Laraba, sun tanadi hukuncin kisa a kan duk wanda aka kama da laifin aikata zina ko luwadi a kasar, kuma tuni aka saka sababbin dokokin a cikin jerin dokokin Shara’a da sarkin Musulmin Brunie, Sultan Hassanal Bokiah, ya kaddamar tun shekarar 2014.

Wadannan dokokin ance zasu yi aiki a kan kowa – ciki har da kananan yara da baki ‘yan wasu kasashen, kuma har a kan wadanda ma ba Musulmi bane.

Haka kuma dokokin sun tanadi tsinke hannun dama na duk wanda aka kama da sata, in kuma ya sake satar, a guntsure mishi kafar hagu.