United ce ta fara zura kwallo a ragar Everton ta hannun Antony Martial ana shirin tafiyar hutun rabin lokaci.
Sai dai Andres Townsend ya farke kwallon a minti na 65.
Everton ta so ta kwashe duka maki ukun wasan, amma alkalin wasa ya soke kwallon da Yerry Mina ya buga ta wuce David de Gea, bayan da na’urar VAR ta tabbatar ya yi satan gida.
Lokacin da Everton ta farke kwallon, an sako Cristiano Ronaldo a wasan wanda ya shigo daga benci.
Sai dai a wannan karon, Ronaldo bai yi nasarar kwato United a filin na Old Trafford ba.
A wasan Champions League da aka buga, Ronaldo ya ceto United a hannun Villareal, inda ya ci kwallon da ta ba su nasara da ci 2-1 a gasar.
Ya ci kwallon ne a cikin karin lokacin da aka yi a wasan.
Mece ce makomar kocin Manchester United Ole Gunnar Solskjaer?
