Majalisar Amurka Ta Kafa Dokar Fidda Baki Masu Laifi Daga Kasar Ta

Majalisar wakilan Amurka ta fitar da wata doka da zata saukaka masu wajen fitar da bakin hauren da suka aikata muggan laifika daga kasar.

Dokar ta yi bayani kan abubuwan da suka hadu suka zama muggan laifuka, yayin da suke Magana kan wata doka da kotun koli ta fitar a baya inda suka ce ba a tantance ta ba.

Waccan dokar ta ce gwamnati ta maida bakin da sukayi muggan laifuka zuwa kasashen su, amma wannan sabuwar dokar ta lissafa fiye da laifuka 12 da zasu sa ai maida mutum kasar sa ciki harda kisa, cin zarafi, fashi da kuma amfani da muggan makamai.