Bisa ga dukkan alamu, gwamnatin shugaban Donald Trump na shirin ficewa daga wata yarjejeniyar da aka rattabawa hannu a shekarar 1987, ta takaita makaman nukiliya tsakaninta da Rasha.
Wannan alama ta ficewa daga yarjejeniyar ta fara bayyana ne bayan wata ganawa da mai bai wa shugaban Donald Trump shawara a harkar tsaro John Bolton ya yi da shugaba Vladimir Putin.
Shugaba Donald Trump ya zargi Rasha da karya ka’idojin da aka saka a yarjeneniyar ta makamai masu cin matsakaicin zango, wadanda ya ce har yanzu Rasha na amfani da su.
Mr. Bolton ya kira wannan matakin a mtsayin karya ka’idar a matsayin dadaddiya kuma mai zurfi.
Tsohon shugaban Tarayyar Soviet, Mikhail Gorbachev, da tsohon shugaban Amurka Ronald Reagan, ne suka rattaba hannu a yarjejeniyar makaman nukiliyar a shekarar 1987.
Yarjejeniyar dai ta hanna Amurka da Rasha kera makamai, da gwaji har ma da tara makaman masu tafiyar kimanin kilominta 500 zuwa 5,000.
Facebook Forum