An kashe mutane akalla 18 a wani kauye dake Jihar Zamfara a arewacin Najeriya, a bayan da wasu mutane suka kai farmaki cikin kauyen da bindigogi da adduna.
‘Yan sanda sun fada yau lahadi cewa wadannan mahara su kimanin 150 sun dira kan wannan kauye mai suna Lingyado, inda rahotanni suka ce sun yi ta bin gida-gida su na harbewa ko sare mutane.
‘Yan sanda suka ce sun yi imanin cewa wannan harin ramuwar gayya ce ta harin da aka kai a kan wani kauyen dake yankin a watan Agusta.
Hukumomi sun tura sojoji zuwa Lingyado a wani yunkuri na maido da zaman lafiya da kwanciyar hankali.
