Kasar Turkiyya Na Gab Da Fadawa Cikin Matsalar Tattalin Arziki

Karuwar tsadar kaya da kuma faduwar darajar kudi na janyo fargabar yiyuwar kasar ta Turkiyya na gab da faduwa cikin matsalar tattalin arziki.

A wani bayani a shafinsa na internet, Babban Bankin kasar Turkiyya, ya sha alwashin daukar matakan da su ka wajaba da kuma sake tsarin harkokin kudin kasar a taron da za a yi ranar 13 ga watan Satumba, lokacin da za a tattauna kan tsarin riba.

Alkaluman tsadar kaya na baya-bayan nan sun nuna cewa Lira ta dan farfado.