‘Yan wasan Villareal na shirin karawa da abokanan hamayyarsu na Juventus a gasar cin zakarun nahiyar turai na UEFA Champions League.
Wannan shi ne karon farko cikin shekaru 13 da ‘yan wasan na Villareal da ake wa lakabi da “Yellow Submarine” za su buga a zagayen ‘yan 16 a gasar ta UEFA.
Wannna wasa nasu na zuwa ne bayan nasarori hudu da suka samu a jeri a gasa daban-daban da suka buga a baya-bayan nan.
Kocin kungiyar Unai Emery zai yi Rashin dan wasa Gerard Moreno, amma kuma zai iya dogaro da Arnaut Danjuma, wanda ya zura kwallaye 8 a gasar La Liga a wannan kakar wasa.
Ita ma Juventus na da nata ‘yan wasan da ba za su buga, wadanda suka hada da kyaftin Giorgino Chiellini, Paulo Dybala da Federico Bernadeschi wadand duk suke fama da jinya.
Sako: Wannan labari ne daga kamfanin dillancin labarai na AP da Mahmud Lalo ya fassara.
