Fitattun mawakan Kannywood Hamisu Breaker da Namenj sun baje kolin wakokinsu a bikin dan shugaban kasa Yusuf Buhari da amaryarsa Zahra Nasir Ado Bayero.
A ranar Juma’ar da ta gabata aka daura auren a garin Bichi da ke jihar Kano a arewacin Najeiriya.
Breaker ya rera wakar ‘Jaruma’ kana sun cashe a wakar ‘Da Ma’ da Namenj ya yi wacce ya gayyato Breaker suka yi tare.
Tun bayan da aka daura auren a ranar Juma’a aka bude shagulgulan biki tun daga Kano, inda aka dangana da Abuja, babban birnin tarayyar Najeriya inda a nan mawakan suka cashe.
A lokacin liyafar, an ga masoyan wakokin mawakan biyu suna ta cashewa tare da bin wakar ‘Da Ma’ yayin da ake nishadantar da su.
Hamisu Breaker da Namenj na daga cikin mawakan da tauraronsu ke haskawa a fagen wakokin Hausa na zamani a Najeriya da sauran kasashen Hausa.
Yadda Aka Yi Shagalin Bikin Yusuf Buhari Da Amaryarsa Zahra Nasir Ado Bayero
