Dan wasan Manchester United Edinson Cavani ba zai buga wasan farko na zagayen ‘yan 16 da za su kara da Atletico Madrid ba.
A ranar Larabar nan Atletico za ta karbi bakuncin United a wasan gasar UEFA Champions League.
Mai horar da United Ralf Rangnick ta tabbatar da cewa dan wasan na na fama da jinya, saboda haka ba da shi za a je kasar ta Sifaniya ba.
A baya, masu sharhin kwallon kafa sun nuna yiwuwar haduwar gwarazan kwallon kafar Uruguay biyu da za su kara a bangarorin biyu, wato Luis Suarez na Atletico da Cavani a bangaren United.
Amma ga dukkan alamu wannan haduwa ba za ta yi wu ba.
Baya ga wasan na Atletico da United, Benfica za ta karbi bakuncin Ajax a wasa na biyu da za a buga a wannan Laraba.
A wasannin da aka buga a ranar Talata, Villareal da ta karbi bakuncin Juventus, inda suka tashi da ci 1-1.
Chelsea kuma ta doke Lille ta kasar Faransa da ci 2-0 a Stamford Bridge.
