Baban hafsan hafsoshin rundunar sojojin Najeriya janar Abayomi ya yi bayani a taron manyan hafsoshin leken asiri na rundunonin kasashemn yankin tafkin chadi da akeyi da hadin gwiwa da rundunar sojin Amurka da ke Afrika da ake kira AFRICOM dake gudana a Abuja.
Ya ce rawar da bayanan sirri zai taka na samar da zaman lafiya a yankin tafkin chadi ba zai misaltu ba don haka akwai bukatar musayar bayannan sirri da aiki tare tsakanin kasashe, shiyoyi da ma nahiyoyi daban daban don hakka ta cimma ruwa, a don haka ya ce yana da yakinin wadannan masu halartar wannan taron a halin yanzu zasu lalubo hanyar samar da kwanciyar hankali a yankin na tafkin chadi.
Kazalika ya bada missali ga yadda suka tunkari ‘yan ta’addar Boko Haram inda ya ce sun samu nasarar yakar masu tsatsauran ra’ayi bayan da suka yi wa rundunar sojojin su garanbawul da hakan ya sa suka matsa kaimi wajen yakar Boko Haram.
Rundunar dakarun kasashen tafkin chadi, na gudanar da aikin Operation amnufakat yayin da a Najeriya ta kaddamar da atisayen last call duk daI a kokarin ta na kawo karshen mayakan boko haram.
Domin karin bayani saurari rahotan Hassan Maina Kaina.
Facebook Forum