Jakadiyar Amurka a jamhuriyar Niger Bisa Williams ta kaddamar da wani asibitin jinyar mata masu yoyon fitsari a jihar Madarunfa.
Da take kaddamar da asibitin, jakadiyar Amurka ta bayyana cewa kasar Amurka zata ci gaba da tallafawa yunkurin inganta lafiyar mata.
Asibitin da wata kungiyar agaji ta kasa da kasa da ake kira SIM International and Worldwide festula ta gina mai gadaje arba'in da biyu, wanda zai rika jinyar mata kyauta, tuni ya fara aikin tiyata bayan yiwa mata hamsin rajista.
An kuma karfafa mata su garzaya asibitin domin samun kula duk lokacin da bukatar haka ta taso.
