Kakakin rundunar ‘yan sandan ya ce, a ranar 9 ga watan Afrilun wannan shekarar 2022, rundunar 'yan sandan jihar Inugu ta kama matar da ake zargi, mai suna Juliet Donatus mai shekaru 35, 'yar asalin jihar Imo, amma mazauniyar Zaria jihar Kaduna.
An kama ta ne bayan wani bayanin sirrin da aka samu da ke zargin cewa an same ta da wani yaro, kuma ta kasa bada bayani mai gamsarwa akan zargin.
An tura batun ga sashen bincike na rundunar 'yan sandan jihar, inda ake gudanar da bincike akansa, kuma a halin yanzu, bincike ya nuna cewa ta sace yaron ne daga Zaria ta kawo shi Inugu.
An kama ta ne yayin da ta ke kokarin sayar da yaron, kuma yanzu hakan rundunar 'yan sandan jihar tana kokarin ganin an maida batun zuwa rundunar 'yan sandan jihar Kaduna.
Hukumomi sun samu iyayen yaron wadanda su ka isa garin Inugu doin tantance yaron, kafin su koma da shi gida.
Saurari rahoto cikin sauti daga Alphonsus Okoroigwe:
