WASHINGTON D.C. —
Ofishin kasafin kudin majalisar dokokin Amurka ya fitar da wata sanarwar wacce ta bayyana cewa Amurkawa miliyan 22 ne za su iya rasa inshorar lafiyarsu nan da shekaru masu zuwa a karkashin sabon kiwon lafiyar da da ake so a maye gurbinsa da shirin kiwon lafiya mai rahusa da Obama ya samar.
Shugaban Donaltd Trump yana kiran ‘yan jam’iyar Democrats dake adawa da tsarin "‘yan hana ruwa gudu” domin kin taimakawa ‘yan jam’iyar Republican samar da tsarin da zai maye gurbin wanda aka kafa doka a kai karkashin shugabancin Barack Obama mai taken Obamacare.
Trump ya rubuta a shafinsa na Twitter jiya Litinin cewa, ‘Yan jam’iyar Demoocrats ba su da tsare-tsare ko dabaru masu kyau.
Abinda suke yi kawai shine sa kafar angulu da kuma korafi, in ji shugaba Trump.
Facebook Forum