Hukumomin jihar Florida sun ce mutane uku ciki harda dan bindigan da ya kai hari sun mutu, bayan harbin fada kan mai uwa da wabi, da aka yi a wasu kantunan da suke garin Jacksonville a jihar ta Florida
Tunda farko kafofin yada labaru sun bada rahoton cewa mutane hudu ne suka mutu, to amma shugaban yan sandan Jacksonville Sheriff Mike Williams ya ce rahotanin ba gskiya ne ba.
Sheriff Williams ya ce mutane tara ne suka ji rauni, a sakamakon harbinsu da aka yi, ciki harda mutane biyu wadanda suke suka tuka mota da kan su suka je asibiti. Yace an yiwa dukkan mutane taran jinya kuma suna murmurewa. Haka kuma mutane biyu sun ji rauni a lokacinda suke kokarin arcewa harbin da ake yi.
Sheriff Williams ya ce ana kyautata zaton maharin,shekarun sa ashirin da hudu ne, kuma sunansa David Katz daga garin Baltimore a jihar Maryland kuma ya kashe kan sa. Sheriff Williams bai bada wani karin haske dangane da dalilin yin harbe harben ba, amma yace kila nan da yan sa’o’i za’a samu karin bayani akan David Katz.
Facebook Forum