Një pjesëtar i policisë është lënduar të shtunën gjatë përplasjeve me një grup studentësh që vunë një pankartë në dyert e Kishës Ortodokse Serbe që ndodhet në oborrin e Universitetit të Prishtinës. Studentët kundërshtojnë çdo përpjekje për funksionalizimin e kësaj kishe, e cila është ndërtuar në vitet 90, në kohën kur Kosova ishte nën regjimin e ish presidentit serb Sllobodan Millosheviç. Statusi i kishës vazhdon të jetë temë debati në Kosovë, për shkak të vendit dhe kohës kur ka filluar të ndërtohet.
